O noso Club

O proxecto deportivo

Promovemos a nosa Escola, como base do Club

O proxecto deportivo constrúese desde a base, formando en valores como a deportividade, o compañerismo e a igualdade.

Recollendo os/as xogadores/as das categorías inferiores, contamos con equipos en categorías nacionais, tanto na modalidad e de hóckey herba como na de hóckey sala.

Na tempada 2025/26 o equipo sénior compite en Primeira Nacional de HH, e disputaremos en febreiro 2026 a Fase Final do Campionato de España de HS.

Escola deportiva

Contamos cunha Escola afianzada, con equipos en todas as categorías, e sustentada pola formación de xogadores/as en diferentes colexios da nosa cidade.

Adestradores

Técnicos deportivos con titulacións a nivel nacional, para dar unha formación cualificada no ámbito deportivo e social.

Masa social

Máis cun Club, somos unha familia. Desde os máis cativos hasta os maiores, xuntos facemos un proxecto sólido, onde todos/as son partícipes e importantes.

Historia CH Barrocás

Club Hóckey Barrocás ten a súa orixe no ano 1990, no barrio ourensán de Barrocás, onde contaba cunha boa canteira de xogadores. O barrio foi sempre un viveiro de xogadores para o club, que aos poucos foi incorporando membros procedentes doutras partes da cidade.

Tras 35 anos, no camiño quedan varias tempadas en División de Honra A e B, competindo cos mellores equipos nacionais. En Hóckey Sala, o club atesoura numerosos títulos de Campión galego, e varias medallas de bronce nas Fases Finais de Campionatos de España.

Na actualidade, o proxecto deportivo céntrase no crecemento da nosa Escola, e no obxectivo de lograr o ascenso á División de Honra B, co equipo sénior masculino.